Fondo Nacional de Garantia
pa Vivienda
Stichting Fondo Nacional di Garantia pa Vivienda (FNGV) a keda funda riba 14 di februari 1997 y tabata un iniciativa di gobierno di Aruba, cu e meta pa stimula pa mas habitante di Aruba jega na nan propio cas. E iniciativa aki ta pa yuda realisa e crecemento di construccion di cas na Aruba.
Prome cu e binida di e fundacion, tabata exigi di tur hende cu kier laga financia nan propio cas, pa nan tin minimo 30% di e balor total di e cas.
Pa cu e construccion mester a yega prome te e fase di ringbalk riba forsa propio. Solamente despues di esaki e instancianan financiero tabata dispuesto pa provee un hipoteca pa caba di construi of cumpra e cas. Pa hopi hende esaki tabata un obstaculo pa cu cumpli cu nan soño di tin nan propio cas.
Desde 1997 Stichting FNGV ta provee den e necesidad aki, dunando un garantia pa financiamento door di un instancia financiero, pa construccion of compra di un cas te 100%. Stichting FNGV ta para pues garantia pa e parti ey, te 30%, pa esun cu ta tuma e hipoteca pa cumpra of construction di e cas cu e fiansa di hipoteca di e instancia financiero.
Den caso cu esun cu ta tuma e hipoteca no por cumpli cu su pagonan mensual obligatorio, e instancia financiero ta haya su mes obliga di pone e cas na benta via findishi y Stichting FNGV ta cubri e eventual perdida.
E meta di e stichting ta:
“Stichting FNGV ta promove construccion di cas, propiedad di bibienda y bibamento duradero na Aruba. E Stichting kier logra e metanan aki door di para garantia pa e pagonan relaciona cu e acuerdonan pa cu fiansa, cera entre e habitantenan y e instancianan bancario y financiero.”
Desde e establecemento di Stichting FNGV na 1997 a yuda mas cu 3000 habitante logra nan deseo di adkeri nan propio cas.
TOCANTE FNGV
E Organisacion
Stichting FNGV ta wordo dirigi pa Sr. Frederick J.A. Arends, cu a drenta den funcion como e director nobo desde prome di januari 2015. E Stichting ta bou supervision di un Conseho di Supervision cu ta consisti di 7 miembro di directiva, scogi pa gobierno di Aruba y e instancianan financiero.
Hunta di Directiva
E Hunta di Directiva ta consisti statutair di 7 miembro cu ta wordo nombra door di Gobierno di Aruba, Associacion di Banconan y Inversionistanan Institutional. Hunta di Directiva ta authorisa pa sera convenionan y ta mantene supervision di ehecucion di e maneho dentro di e Fundacion manera acorda door di Hunta di Directiva.
E Hunta di Directiva ta consisti actualmente di e siguiente miembronan:
M. Harms – Voorzitter
F. Arends – Secretaris
G. Croes – Penningmeester
F. Tromp – Wnd Voorzitter
M. Harms - bestuurslid
S. Kock - bestuurslid
Relato Financiero di FNGV
E relato financiero di Stichting Fondo Nacional di Garantia pa Vivienda por wordo baha akinan.
Relato Financiero
2019
Relato Financiero
2020